gäub/schwarz - aues angere isch ds chaub gmacht

frei nachem mani matter

d finalissima


s'git teams di würden alletwäge nie,
es wichtigs schpieu verliere, wi das hie.
doch üsi jungs vergäbes geng im Mei,
wüu si hemmige hei.


si spieute vilech gärn im grund gno guet,
und wüsse s fählt ne nume chli der muet,
doch s'laschtet uf ne wine schwäre stei,
dass si hemmige hei.


was trennt de yb hüt vom fcb,
es isch nid gygi oeris portmonee,
nid streller, huggel, fink, o nid der frei,
s’isch dass si hemmige hei.


me stell sech d wält vor wenes anders wär,
u s'chämt e finalissima derhär, iz luege mir doch höchstens chli uf d bei,
wüu mir hemmige hei.


und we me gseht was hüt der mannschaft droht,
so gseht me sogar blau,
nid nume rot, und was me no cha hoffe isch elei,
das d basler hemmige hei.


öb meischterschaft öb cup mir hei ke fröid, am titel, nei mir si am liebschte zwöit, u doch si mir bi jedem schpieu derbi, wüu mir yb-fans si ...

pierre légère (73er)